Calligra

Calligra e unha suite de oficina e de gráficos. Contén aplicacións para procesamento de texto, follas de cálculo, presentacións e gráficos vectoriais.

Words é unha aplicación intuitiva de procesamento de texto e publicación de escritorio. Con ela pode crear documentos informativos e atractivos plácida e facilmente.

Calligra Sheets é unha ferramenta completa de follas de cálculo. Úsea para crear rapidamente follas de cálculo de negocios, como por exemplo follas de gastos e ingresos, de horas de traballo, etc.

Calligra Stage é unha aplicación de presentacións fácil de usar pero flexíbel. Permítelle crear presentacións cunha ampla variedade de elementos, incluíndo texto, gráficos e imaxes. As funcionalidades de Calligra Stage poden ampliarse mediante un sistema de complementos, así que resulta doado engadir efectos e elementos novos, así como novos xeitos de xestionar as presentacións. Grazas á súa integración con Calligra, Stage pode facer uso da potencia e flexibilidade dos elementos de contido dispoñíbeis en Calligra.

Karbon é unha aplicación de debuxo vectorial cunha interface de usuario fácil de usar, personalizar e ampliar. Iso fai de Karbon unha gran aplicación para usuarios que comezan a explorar o mundo das imaxes vectoriais, pero tamén para artistas que queren crear impresionantes obras de arte vectoriais.