KAddressBook

KAddressBook almacena todos os detalles persoais da súa familia, amigos e outros contactos. É compatíbel cunha gran variedade de servizos, como NextCloud, Kolab, Google Contacts, Microsoft Exchange (EWS) ou calquera servidor estándar de CalDAV.

Funcionalidades:

• Busca potente — KAddressBook ten filtros configurábeis e goza de potentes funcionalidades de busca.
• Detección de duplicados e fusión — KAddressBook pode atopar contactos duplicados de varias fontes e pode fusionalos nun único contacto.
• Boa compatibilidade cos estándares — KAddressBook pode importar e exportar a practicamente todos os estándares de caderno de enderezos.
• Integración con LDAP — Pode conectar a varios servidores LDAP, que poden usarse para completar automaticamente contactos ao escribir mensaxes de correo electrónico en KMail.
• Integración — Intégrase con outros compoñentes de Kontact. Por exemplo, exporta as lembranzas de aniversarios a KOrganizer.
• Códigos QR — KAddressBook pode mostrar un código QR para cada contacto para escanealo facilmente desde o teléfono ou enviarllo a alguén.