KBruch

KBruch é un pequeno programa para practicar o cálculo con fraccións e porcentaxes. Fornécense distintos tipos de exercicios que serán de utilidade e pódese usar o modo de aprendizaxe para practicar as fraccións. O programa comproba a entrada do usuario e reacciona en consecuencia.

Funcionalidades:

• Exercicio de aritmética - neste exercicio hai que resolver un problema cunha fracción dada. Hai que inserir o numerador e o denominador. Este é o tipo principal de exercicio.
• Exercicio de comparación - neste exercicio hai que comparar o tamaño de dúas fraccións dadas usando os símbolos >, < e =.
• Exercicio de conversión - nestes exercicios hai que converter un número dado nunha fracción.
• Exercicio de factorización - neste exercicio hai que descompor un número dado nos seus factores primos.
• Exercicio de porcentaxe - neste exercicio hai que calcular porcentaxes.