kdesrc-build

kdesrc-build é unha ferramenta para permitir construír facilmente KDE a partir dos seus repositorios de código fonte.

O realce de sintaxe para ficheiros de kdesrc-buildrc está dispoñíbel en Kate e KWrite no menú «Utilidades → Realzado → Configuración».

Funcionalidades:

• Descarga e actualiza automaticamente o código fonte de KDE do repositorio de código.
• Intégrase coa infraestrutura de código fonte de KDE para construír os módulos na orde necesaria automaticamente, e usar a rama correcta.
• Permite construír facilmente ramas, etiquetas ou mesmo remisións concretas dun módulo (ou de todo o software de KDE).
• Permite moitos sistemas de construción. Permite mesmo construír moitos proxectos alleos a KDE nun momento (por exemplo, CMake pode construírse a partir das súas fontes de Git se a túa distribución non ten os paquetes de CMake).
• Permite descargas iniciais aceleradas de módulos (só para proxectos Git de KDE) usando publicacións xa dispoñíbeis na rede de proxectos de KDE.
• Conta cun modo «simulado» (a opción --pretend) para experimentar con distintas opcións sen destruír nada.
• kdesrc-build pode descargar módulos (descarga inicial e actualización) incluso ao construír módulos que xa se actualizaron.
• kdesrc-build permite desinstalar módulos (manualmente, ou antes de instalar un módulo xa instalado) para manter o directorio de instalación limpo. Teña en conta que esta funcionalidade require a compatibilidade con CMake e aínda é experimental.
• kdesrc-build rexistra todo para poder inspeccionar o rexistro máis adiante, para que poidas descubrir o problema cando a construción falla. kdesrc-build crea automaticamente ligazóns simbólicas para acceder facilmente ao último rexistro (log/latest). Coloración da saída (que se pode desactivar).
• Permite construír a biblioteca Qt do Qt Project, necesaria para o software de KDE.
• kdesrc-build pode personalizarse en gran medida. Pode controlar a maioría das opcións módulo por módulo se quere, incluídas as marcas de configuración, as de CMake, e as de C++ durante a compilación. En vez de intentar lembrar que liña de «configure» usou, pode definila unha vez e esquecelo.
• Documentación extensiva. Se sabes inglés, infórmame se necesitas unha explicación de algo (enderezo de correo electrónico ao final) ou contacta coa lista de correo kde-devel.
• Inclúese un detallado ficheiro de configuración de exemplo, normalmente poderá copialo en ~/.config/kdesrc-buildrc e xa está.
• Moito máis!