Konqueror

Konqueror é o navegador web de KDE e unha navalla suíza para calquera tipo de xestión ou vista previa de ficheiros.

Funcionalidades:

• Navegación web usando KHTML ou KDEWebKit como motores de renderización.
• Xestión de ficheiros coa meirande parte das funcionalidades de Dolphin, incluíndo a compatibilidade cos sistemas de control de versións, os menús de servizos, e a interface gráfica básica.
• Xestión de ficheiros de servidores FTP e SFTP.
• Potente cliente de FTP. Permítelle dividir a vista para amosar tanto os cartafoles locais como os remotos e vistas previas, todo na mesma xanela.
• Aplicacións incrustadas para previsualizar ficheiros. Por exemplo, Okular e Calligra para documentos, Gwenview para imaxes, KTextEditor para ficheiros de texto, etc.
• Distintos tipos de complementos: menús de servizos, KParts (aplicacións incrustadas), KIO (acceso a ficheiros mediante protocolos especiais como HTTP ou FTP) e complementos de KPart (como AdBlocker).