Smb4K

Smb4K é un navegador avanzado da veciñanza de rede e unha ferramenta para montar comparticións de Samba. Está baseada na versión 5 das infraestruturas de KDE e a biblioteca de cliente de Samba (libsmbclient). Examina a veciñanza de rede en busca de grupos de traballo, servidores e comparticións dispoñíbeis, e pode montar todas as comparticións que queira no seu sistema de ficheiros local.

Smb4K está baseado na biblioteca de cliente de Samba. O seu obxectivo é o de fornecer un programa fácil de usar que forneza tantas funcionalidades como sexa posíbel.

Funcionalidades:

• Buscando grupos de traballo (activos), servidores e comparticións
• É compatíbel cos sistemas de ficheiros CIFS (Linux) e SMBFS (FreeBSD).
• Permite montar e desmontar comparticións.
• Permite acceder aos ficheiros dunha compartición montada usando un xestor de ficheiros ou un terminal.
• Pode detectar automaticamente montaxes e desmontaxes externos.
• Pode volver a montar comparticións usadas previamente ao iniciar o programa.
• Fornece información variada sobre elementos remotos da rede e comparticións montadas.
• Permite realizar buscas na rede.
• Permite obter unha vista previa dos contidos dunha compartición remota
• Permite configurar credenciais predeterminadas de acceso.
• Xestiona de forma especial as particións de cartafoles persoais.
• Fornece un sistema de marcadores para gardar comparticións.
• Fornece un trebello na área de notificación.
• Permite usar opcións avanzadas de montaxe
• Permite usar impresoras compartidas.
• Compatibilidade con KWallet.
• Permite sincronizar comparticións remotas con copias locais en ambos sentidos.
• Permite definir configuracións personalizadas para servidores e comparticións concretas.
• Compatíbel con portátiles mediante a infraestrutura de dispositivos de soporte físico Solid.
• Ofrece funcionalidades de espertar na rede (Wake-On-LAN).
• Ofrece integración co escritorio mediante un plasmoide.
• Perfís para distintas configuracións de veciñanza de rede

Se traballa nun ambiente de rede dominado por Windows, esta aplicación axudará a acceder facilmente aos recursos compartidos desde Windows.