Skip to content
Screeenshot of <no value>
Os textos con demasiadas comiñas préganse automaticamente.
Compatíbel con mensaxes cifradas e asinadas, co estado indicado con texto.

Trojitá é un programa de correo electrónico ("cliente") especializado en fornecer acceso rápido e eficiente a caixas de correo mediante o protocolo IMAP. Os servidores de correo de IMAP almacenan mensaxes e permiten que os clientes obteñan as mensaxes no computador local cando as solicitan.

Dálle prioridade á eficiencia, a velocidade e os estándares abertos por riba de calquera outra cousa. Trojitá tamén pretende funcionar en calquera plataforma, e intégrase ben tanto en grandes computadores de escritorio como en pequenos teléfonos. Trojitá é un programa independente que non forma parte de ningunha colección de programas de xestión de información persoal (PIM).

Trojitá podería interesarlle polo seguinte:

  • O núcleo de interacción con IMAP é moi rápido e robusto.
  • Un dos piares do seu deseño é o cumprimento cos estándares.
  • Non carga a lista de mensaxes nin os corpos das mesmas ata que se solicita («carga preguiceira»).
  • Compatibilidade con IMAP sen conexión.
  • Permite un modo de aforro de largura de banda, pensado para usuarios de teléfonos móbiles para os que a conexión a Internet resulta custosa.
  • Pode acceder ao servidor mediante SSH en vez de empregar un sócket SSL.
  • A súa xestión de mensaxes HTML é segura e robusta.

Linux

Install on Linux This button only works with Discover and other AppStream application stores. You can also use your distribution’s package manager.