Dolphin

Dolphin er skráastjóri KDE þar sem hægt er að skoða og fletta í efni á harða diskinum þínum, USB-lyklum, SD-kortum o.fl. Það er einfalt og fljótlegt að búa til, færa og eyða skrám og möppum.

Dolphin býr yfir fjölmörgum vinnusparandi eiginleikum. Hægt er að skoða margar möppur samtímis í mörgum flipum og tvískiptu yfirliti og auðvelt er að draga og sleppa skrám á milli yfirlitssvæða til að færa þær eða afrita. Hægrismellsvalmynd Dolphin veitir aðgang að ýmsum fljótlegum aðgerðum, m.a. til að þjappa og deila skrám eða afrita þær. Þú getur einnig bætt við aðgerðum að eigin vali.

Dolpin er léttur á velli og auðvelt að laga hann að þínum þörfum. Það þýðir að þú getur unnið með skrár nákvæmlega eins og þér hentar. Dolphin styður þrjú mismunandi yfirlitssnið: Hefðbundið hnitanetsyfirlit, ítarlegra yfirlit og tréyfirlit. Þú getur einnig sérstillt megnið af aðgerðunum í Dolphin.

Dolphin getur birt skrár og möppur frá mörgum skýjaþjónustum á netinu og öðrum fjartengdum vélum rétt eins og þær væru í tölvunni þinni.

Dolphin er einnig með innbyggðan skjáhermi sem gerir þér kleift að keyra skipanir í möppunni sem er opin. Þú getur víkkað út eiginleika Dolphin enn frekar með öflugum viðbótum til að laga forritið að vinnulagi þínu. Þú getur notað viðbót fyrir git til að vinna með git-hugbúnaðarsöfn, eða Nextcloud-viðbót til að samstilla skrárnar þínar á netinu og margt fleira.