Kontact

Handsam e-posten din, kalendrane og kontaktane dine samt annan personleg informasjon med Kontact. Kontact samlar alt på éin stad og hjelper deg å halda oversikt over kommunikasjon og avtalar, og til å samhandla med kollegaar.

Kontact samlar fleire kommunikasjons­program i eitt vindauge, for auka brukar­oppleving og produktivitet. Med Kontact har du tilgang til alle dei kraftige verktøya våre frå same stad. I motsetning til ulike vevtenester respekterer me personvernet ditt og støttar opne standardar. Dette er grunnen til at Kontact gjev deg full kontroll over eigne data. Dersom du ønskjer, har du sjølvsagt òg full tilgang til dataa dine når du er fråkopla.

Kontact er sett saman av fleire tett integrerte komponentar:

• KMail – kraftig og funksjonsrikt e-postprogram med støtte for mange e-postleverandørar.
• KOrganizer – kalender og avtalebok som kan brukast saman med NextCloud, Kolab, Google Kalendar og andre kalendertenester.
• KAddressBook – personleg adressebok som kan synkronisera kontaktane dine med fleire populære tenester.
• Akregator – nyheitslesar med kraftig søkje- og arkivfunksjonalitet.