Zanshin

Zanshin er eit kraftig program for å halda oversikt over daglege gjeremål. Det frigjer tankekraft du no må bruka på å halda oversikta over oppgåver du må få gjort på jobben og i privatlivet, og det syrgjer for at du ikkje lenger gløymer noko.

Samla

Redd for å gløyma ting? Plaga av hukommelstap? Zanshin kan hjelpa! Her kan du samla gjeremåla dine og sleppa å hugsa på dei. Du slepp òg fri frå røysta som heile tida masar på deg om at det er noko du har gløymt, eller at det er noko du må hugsa å gjera. Berre start Zanshin, for når gjeremålet er registrert, finn du det der.

Organiser

Zanshin gjer det lett å organisera kvardagen. Opprett nokre prosjekt og kontekstar, og fyll dei med oppgåver. Dette gjer du enkelt med dra-og-slepp. Har du noko som må vera ferdig innan ein viss dato? Gje oppgåva ein tidsfrist, så vert ho lett synleg. Skal du arbeida på eit prosjekt? Fokuser på det for å sjå berre alle tilhøyrande oppgåver. Lyst til å snakka i telefonen? Fokuser på telefon-konteksten for ei oversikt over alle planlagde samtalar.

Optimer

Dataentusiastar elskar tastaturet, og ein er gjerne meir effektiv med fingrane mest mogleg plassert der. Me har derfor utforma Zanshin slik at alt kan gjerast via tastaturet. Me har blant anna snøgg­tastar for å leggja til oppgåver, flytta dei til prosjekt eller kontekstar og til å navigera.

Integrer

Zanshin er eit program frå KDE-fellesskapet. Det er derfor endå kraftigare om du brukar det saman med andre KDE-program eller via Plasma-skrivebordet. KMail-brukar? Du kan leggja til ei ny oppgåve direkte frå ein e-post du har motteke. Oppgåva vert vist i Zanshin-innboksen. KOrganizer-brukar? Alle forfalne og framtidige oppgåver vert automatisk viste i kalendervisinga. Plasma Desktop-brukar? Du kan leggja til nye oppgåver direkte frå KRunner ved å skriva for eksempel «todo: Kjøpa eple». Oppgåva dukkar automatisk opp i Zanshin-innboksen (også om programmet ikkje køyrer).